نشرة اخبار ماركتنج بالعربي الاسبوعية

نشرة اخبار ماركتنج بالعربي الأسبوعية.

في ماركتنج بالعربي عارفين انك عايز تكون مواكب لكل تحديث جديد بيحصل وتعرفه من خلال منصتنا، لأننا أول منصة عربية بتوضح معلومات عن مجال الـ ديجيتال ماركتنج بالعربي كل يوم. عشان كده هنوضح لك أهم التحديثات اللي حصلت الاسبوع ده:

‏ ‎يضيف يوتيوب مميزات جديدة تشبه تيك توك:

مع زيادة نمو الفيديوهات القصيرة shorts على يوتيوب، قررت يوتيوب اضافة بعض المميزات التي تشبه تطبيق تيك توك وهي:

ميزة التعاون Collab إلى من خلالها هتقدر تسجل الفيديوهات القصيرة Shorts مع فيديوهات يوتيوب، وهي شبه الدويتو Duet على تيك توك. كمان إضافة يوتيوب ستيكر الـ Q&A واللي من خلاله هتقدر تقوم بالإجابة على أسئلة جمهورك بطريقة مباشرة.

تغيير جديد في عرض الإعلانات على تطبيق X:

في الفترة دي في تغييرات جديدة بتحصل في تطبيق X (تويتر سابقًا)، قبل كده كنا بنعرف الإعلانات الممولة من خلال ظهور كلمة ممول Promoted تحت المنشورات Posts، ودلوقتي أصبحت Ad كلمة اعلان موجودة فوق على اليمين.

انطلاق مدرب لينكدان LinkedIn Coach يعمل بالذكاء الاصطناعي:

قررت لينكدان انها تساعد المستخدمين بشكل أكبر في استخدام التطبيق، من خلال أداة تعمل بالذكاء الاصطناعي AI وهي مدرب لينكدان LinkedIn Coach، والأداة دي هتساعدك انك تقوم بإنشاء البروفايل الخاص بك، وانك تقدم على الوظائف، وتتعلم مهارات جديدة. تفتكر الاداة دي هتكون فعالة لكل مستخدم وتقدر تساعدك في الحصول على وظيفة جديدة وانك تظهر بشكل افضل في البروفايل الخاص بك؟

واتساب يعمل على نظام حماية جديد للحسابات:

واتساب يقوم باضافة ميزة جديدة تحت التنفيذ وهدفها ان يجعل حسابك آمن، من خلال استخدام الإيميل لتأكيد الحساب عند تسجيل الدخول سواء من الموبايل او من جهاز كمبيوتر او لابتوب، والميزة دي هتكون متاحة قريب عشان تحمي حسابك على واتساب.

إعادة تسمية تويت ديك TweetDeck إلى اكس برو XPro:

بعد تغيير اسم تطبيق تويتر إلى اكس، هيتم تغير اسم أداة تويت ديك TweetDeck اللي كانت أداة مجانية من تويتر وهيتم تسميتها إلى اكس برو XPro وتعتبر دي من اول التغييرات في الأسماء الخاصة بتطيبق X. تفتكر ايه التغيير اللي ممكن يفاجئنا به ايلون ماسك تاني؟

‏ يختبر انستجرام Instagram إضافة السرعة X Speed إلى التسجيلات الصوتية Voice Notes:

انستجرام يعمل على إضافة السرعة X Speed إلى الرسائل عشان تقدر تسمع الرسائل الصوتية اسرع زي ما موجود على واتساب و ماسنجر.

بكده عرفت ايه التحديثات اللي حصلت الاسبوع ده في عالم الـMarketing بالعربي، من وجهة نظرك هل شايف ميزة الذكاء الاصطناعي اللي هيتم اضافتها على لينكدان هتكون مفيدة ليك ولا لأ؟ كمان بعد اضافة ميزة الصوت مع الفيديوهات القصيرة على يوتيوب زي منصة تيك توك، هل المستخدمين هيستخدموا الميزة دي في يوتيوب اكتر ولا على التيك توك؟

شاركنا برأيك في الكومنتات وقولنا ايه التحديث المهم بالنسبة لك.

كمان لو عايز تعرف كل جديد بيحصل في عالم الديجيتال ماركتنج بالعربي تابع كل مقالاتنا اول بأول كل يوم في ماركتنج بالعربي عشان تتابع كل جديد وهتعرف ما هو التسويق الرقمي وإجابة كتير من الاسئلة اللي بتدور عليها.

وكمان لو محتاج شركة اعلانات هتعرف ازاي تختار افضل شركة اعلانات سوشيال ميديا من خلال مقالاتنا ولو مهتم تعرف اكتر عن مجال الـ ديجيتال ماركتنج بالعربي كل ده واكتر وضحناه في مقالاتنا السابقة.

بنشجعك انك متترددش تكتب كومنت وتسألنا على أى حاجة هنرد عليك فورا، وقولنا ايه رايك في التحديثات الجديدة.